Le vendredi Saint célébré dans toute la Corse
(A redazzioni d'Alta Frequenza) - Hè oghji u vennarì Santu, ghjornu impurtantissimu di a Sittimana santa pà tutti i Cristiani di Corsica. Messi è prucissiò sarani celebrati inde l’isula sana pà l’uccasioni. Ma a prucissioni a più famosa ferma di sicuru quilla di u Catenacciu, chì si farà stasera à partasi da 9 ori è mezu in Sartè. U penitenti, tuttu di rossu vistutu, trascinarà a so croci di 34 chilò è a so catena pisiva ind'i carrughji di a cità. Cascarà, com'è u Cristu è com'è a voli a tradizioni, trè volti nant'à a so strada. Un avenimentu rilighjosu di trinca chì adunisciarà torna una volta senza dubbitu assai assai fideli di Corsica ma dinò d’altrò.
Sur le même sujet
