Législatives : Paul Leonetti candidat pour Corsica Libera dans la 1ère circonscription de Corse-du-Sud
(A redazzioni d'Alta Frequenza) - Alizzioni legislativi è nova candidatura ind'a prima circuscrizzioni di Corsica Suttana. Dopu à Simon Renucci in principiu di settimana pà Corse-Social-Démocrate, Paul Leonetti, s'hè prisintatu ufficialmenti arimani (marcuri) pà Corsica Libera. Un primu passu pà iss'ultimu, chì pruvarà à buscà si una di i sedii di diputati di u Palazzu Bourbon, da purtà à u più altu u missaghju di u muvimentu naziunalistu. Un missaghju d'emancipazioni pulitica, sicondu u candidatu, pà u quali a Francia devi "infini cambià u so mudelu ghjacubinu" è diventà "una Republica Federali di Francia" piuttostu chè una "Republica Francesi", ghjaprendu si di più à i rughjoni.
Écoutez Paul Leonetti
Sur le même sujet
