Législatives : Xavier Luciani candidat pour Femu A Corsica dans la 2ème circonscription 2B
(A redazzioni d'Alta Frequenza) - Saveriu Luciani, elettu tarrituriali Femu A Corsica hè candidatu à l'alizzioni legislativi ind'a siconda circuscrizzioni di Corsica Suprana. À fiancu à a so suppleenti, Federica Densari Guidoni, è di modu più largu à tutti l'altri candidati di u so gruppu, u cunsighjeru municipali di A Ghisunaccia voli fà sbuciardà tutti i prunostichi, è buscà si a vittoria da purtà a voci di a Corsica à l'Assemblea Naziunali. Un scrutinu, chì hè, d'appressu à Saveriu Luciani, "un referendum contr'à u sistema in piazza, un sistema d'immubilisimu", ind'a perspettiva di pighjà u puteri à u nivellu tarrituriali. Ufficialisazioni di a lingua corsa, prublema di u fundariu cù u statutu di residenti è a fini prugrammata di l'arresti Miot, eccu i priurità avanzati da u candidatu, pà quali belli surpresi pudariani accada a sera di u 17 di ghjunghju.
Écoutez Xavier Luciani.
