Les candidats à la reprise de la SNCM déposent leurs offres ce mercredi
(A redazzioni d'Alta Frequenza) - Hè oghji (marcuri) chì i candidati à a ripresa di a SNCM devini prisintà i so ufferti à l’amministratori ghjudiziari di a cumpagnia. Quattru ufferti duvariani essa posti à u minimu. Prima, quilla di l’armatori Daniel Berrebi chì, sicondu u ghjurnali Les Echos, si pudaria assucià à u gruppu STEF, dighjà pruprietariu di La Méridionale ; STEF assicuraria tandu i viaghji trà a Corsica è u cuntinenti mentri chì Daniel Berrebi saria in carica di u latu « Maghreb ». Dopu, quilla di l’anzianu direttori di u portu di Marseghja, Christian Garin, chì avia vistu a so prima ufferta ghjudicata com’è ùn bastendu micca. Eppo Patrick Rocca, u traspurtadori corsu, chì duvaria fà cunnoscia torna i so brami. Infini, l’ultimi cunnisciuti, i capi intrapresa isulani aduniti in u consortium Corsica Marittima, bramosi di veda nascia una vera cumpagnia regiunali. Una prisintazioni di tutti ss’ufferti hè privista u 25 di sittembri, davanti u tribunal di cummerciu di Marseghja.
Sur le même sujet
