Les dirigeants du SC Bastia ont proposé au CA Bastia de rentrer dans le capital du club
(A redazzioni d'Alta Frequenza) - I dirighjenti di u Sporting Club di Bastia ani tinutu una cunfarenza di stampa pà parlà di parechji sughjetti. Prima, a campagna pà i novi abbunamenti ind’i tribunali laterali è l’abbunamenti in pupulari principiarà u 18 di ghjunghju, è l’apartura à i novi abbunati in laterali si farà da u 22 di lugliu fin’è u 14 di sittembri. A prossima riunioni trà dirighjenti è sustenidori urganizata da u CSB si tinarà versu u 15 di ghjunghju, mentri chì u prughjettu spurtivu è ecunomicu A Corsica Vince, sarà prisintatu à a mità di u mesi di lugliu duva u staff tennicu è i capitani sarani prisenti stavolta. Altru puntu chì hè statu ammintatu, u partenariatu pussibuli cù a Juventus di Turinu. Ci sò stati discussioni impurtanti trà u Sporting è u club talianu chì u vularia fà entra in un gruppu di quindeci clubs partenarii ind’u mondu sanu. Infini, u cartulari di u CAB hè statu trattatu. Dicendu à tempu torna una volta ch’ellu hè nicissariu di veda un antru stadiu in regula cù a Lega 2 in Bastia, i dirighjenti di u Sporting ani assicuratu chì u CAB era u benvinutu. I dirighjenti di u Sporting, cù a holding pruprietaria di u u club à 99%, ani prupostu dinò à i cabisti d’entra di manera minuritaria ind’u capitali di u so club, pà dà li, frà altru, un aiutu à u nivellu di i strutturi senza pinsà mancu appena à una fusioni.
On écoute Jean-Noël Filippi, dirigeant du Sporting Club de Bastia.
Sur le même sujet
