Les dossiers prioritaires du préfet de Corse en cette période de rentrée
(A redazzioni d'Alta Frequenza) - Dopu à i riintrati sculari, pulitica è suciali, eccu a riintrata di i servizii di u Statu, è frà altru da u cantu di a prifettura di Corsica. U travaghju ùn si hè micca arristatu d'altrondi duranti i vacanzi di un istati chì s'hè passatu di una manera piuttostu appaciata. In fatti, parechji cartulari sò stati appruntati pà issu mesi di sittembri, cartulari di gran primura, com'è par asempiu quillu nant'à a situazioni ecunomica di l'isula, pighjendu in contu i prublematichi di l'impiecu, di u sviluppu, di l'industrii o ancu di u turisimu. Altru pizzonu, s'ella si pò dì cusì, quillu nant'à l'alloghju, frà altru cù i quistioni rilativi à a criazioni d'alloghji suciali novi, pà i parsoni in situazioni d'urghjenza, nanzi di trattà a tematica di a securità publica.
Détails et explications avec Patrick Strzoda, préfet de Corse.
