Les étudiants infirmiers en grève contre une réduction de leurs lieux de stage
(A redazzioni d'Alta Frequenza) - Ssu marti, parechji dicennii di studianti infirmieri di l’IFSI di Bastia ani manifistatu davanti a prifittura fin’è i lucali bastiacci di l’ARS, blucchendu a strada pà fà cunnoscia i raghjoni di a so greva à a ghjenti in vittura. Una greva dicisa pà cuntistà a riduzzioni assai forti di i lochi di staziu à a so dispusizioni, postu chì dopu à un cunflittu à u nivellu naziunali trà u ministeru di a saluta è i stabulimenti di saluta privati, i clinichi è policlinichi ùn accugliarani più i studianti infirmieri, lachendu li solu l’uspidali publichi, micca abbastanza numarosi in Corsica Suprana, pà rializà u so staziu. I studianti temini una carica troppu impurtanti di staziari è dunqua una furmazioni di qualità più bassa.
Steti à senta à Sébastien Marchi, studianti in siconda annata à l’IFSI di Bastia.
Sur le même sujet
