Les forains ajacciens veulent réinvestir le Square Campinchi
(A redazzioni d'Alta Frequenza) - I cumircianti itineranti di a piazza di u marcatu d'Aiacciu, spiazzati dipoi u principiu di i travaghji di u square Campinchi più di dui anni fà annant'à u settori di a piazza Abbatucci, volini ritruvà u so locu d'urighjini. L'ani fatta sapè ssu sabbatu da mani, duranti una mubilisazioni chì hà disturbatu a circulazioni in u centru cità. Lagnendusi di un sciffru d'affari chì cala assai è un spiazzamentu novu annant'à a piazza Miot dicisu da a Cità, i cumircianti itineranti ani scuntratu u direttori di cabinetu di u merri, Antoine Maestrali. A riunioni trà a dilegazioni di cumircianti è a municipalità hè sbuccata annant'à pussibilità pà ghjunghja fin'è una suluzioni. U sintimu ùn hè micca u listessu ind'è i cumircianti itineranti. U spiazzamentu pruvisoriu annant'à a piazza Miot avanzatu à a sittimana chì veni, prupostu da a municipalità, primà di truvà calcosa, ùn li cunveni micca. Ss'ultimi pudariani bluccà d'altrondi torna u settori è stallà i so banchi dumani matina (dumenica).
Steti à senta à Marie Hélène Versini.
Sur le même sujet
