Les forains d'Ajaccio veulent retrouver le square Campinchi, la municipalité cherche une solution
(A redazzioni d'Alta Frequenza) - I cumircianti itineranti di a piazza di u marcatu d'Aiacciu, spiazzati dipoi u principiu di i travaghji di u square Campinchi più di dui anni fà annant'à u settori di a piazza Abbatucci, volini ritruvà u so locu d'urighjini. L'ani fatta sapè ssu sabbatu da mani, duranti una mubilisazioni chì hà disturbatu a circulazioni in u centru cità. Lagnendusi di un sciffru d'affari chì cala assai è un spiazzamentu novu annant'à a piazza Miot dicisu da a Cità, i cumircianti itineranti ani scuntratu u direttori di cabinetu di u merri, Antoine Maestrali. A riunioni trà a dilegazioni di cumircianti è a municipalità hè sbuccata annant'à pussibilità pà ghjunghja fin'è una suluzioni.
Steti à senta à Antoine Maestrali.
Sur le même sujet
