Les grands chantiers du Conseil Général de la Corse-du-Sud
(A redazzioni d'Alta Frequenza) - I priurità, i cartulari maiò di l'annu 2012 : era u scopu di a cunfarenza di stampa stamani (vennari) di u presidenti di u Cunsighju Ghjinirali di Corsica Suttana. Cù a so maghjurità, Jean-Jacques Panunzi hà vulsutu fà un bilanciu cumplettu è sanu di l'azzioni passati è à vena. Nanzi à què, u presidenti di a cullettività dipartimintali hà vulsutu dì chì a so istituzioni viaghjava bè, è chì malgradu a crisi mundiali, nisunu ingaghjamentu sarà rimissu in causa. 2012 sarà in fatti un annu particularmenti stampatu da i sulidarità è u sustegnu à un'ecunumia criatrici di crescita è d'impiechi. Jean-Jacques Panunzi hà vulsutu rassicurà à tuttu ognunu, l'anticipazioni hà parmissu di metta un equilibriu ind'i cosi, è di mantena i missioni di u dipartimentu. Lotta contr'à precarità, inserimentu, sustegnu à i parsoni anziani è andicapati, accunciamentu di i tarritorii rurali, pulitica stradali, una mansa di grandi travaghji chì sò à u prugramma di iss'annu novu.
On écoute le président du Conseil Général de Corse-du-Sud.
