Les habitants du Puntettu (Bastia) à nouveau dans la revolte
(A redazzioni d'Alta Frequenza) - Ssa dumenica, u cullettivu Salvemu u Puntettu s'hè adunitu torna una volta pà sprima a so collera dopu à a dicisioni di u cunsighju di i siti, chì hà fattu sapè ch'ellu era contr'à a prutezzioni pà i munumenti storichi di a Casa Montesoru, chì duvaria essa distrutta ind'u quadru di un prughjettu di custruzzioni d'alloghji novi è di un parking d'80 piazzi da a municipalità di Bastia. Una zerga accumpagnata da un sintimu di surpresa, postu chì mentri chì a Direzzioni Righjunali di l'Affari Culturali, a DRAC, avia dittu di sì à ssa classifica, u cunsighju di i siti l'hà ricusatu cù diciottu voti contru, quattru à prò è trè parsoni chì ùn si sò micca prununziati. U cumitatu di quartieru chì era prisenti à ssa riunioni dinunzia prissioni fatti nant'à i membri di u cunsighju di i siti, par asempiu da u merri di Bastia Emile Zuccarelli, chì faci parti di u cunsighju di i siti, è u tonu schirzanti d'appressu à elli di Paul Giacobbi, presidenti di l'esecutivu ma dinò di u cunsighju di i siti duranti tutta a riunioni. L'abitanti sò pronti à batta si fin'è a fini ind'un cartulari duva cresci a tinsioni. Malou Emmanuelli, prupietaria anch'ella, ci spieca u storicu di ss'affari quì.
Stemu la à senta.
Sur le même sujet
