Les habitants du quartier du Puntettu à Bastia inquiets
(A redazzioni d'Alta Frequenza) - Stamani (marti), un'adunita d'abitanti di u quartieru di u Puntettu, in Bastia, si hè fatta nant'à a piazza sarrata à u centru di palazzi chì forsa ùn asistarani più da quì à pocu. In fatti, a merria di Bastia privedi inde issu quartieru vicinu à u vechju portu di distrughja cinqui palazzi abitati, da custruiscia ni unu novu di 20 alloghji. Un parking cù 80 piazzi solu pà l'abitanti di u quartieru è frà altru à quilli di u novu palazzu hè dinò privistu. Un prughjettu chì faci nascia a zerga di l'abitanti di issu quartieru, chì ani vulsutu fà sapè ch'elli erani uppostu à tuttu què. S'è a merria pighja com'è argumenti, à mezi à parechji altri, a malsanità è a delinquenza, l'abitanti ani sottulineatu chì par contu soiu u quartieru hè più cà tranquillu, è chì u so locu di vita ùn era micca malsanu. Da nutà d'altrondi chì, certi abitanti ani rinnuvatu di modu sanu u so appartamentu pocu fà, è s'inchietani di veda i soli investiti inde issu rinnovu svaniscia si s'è issi palazzi duviani essa distrutti, masimu chì quissi quì pruponini un prughjettu glubali di rinnovu.
On écoute Jean Vivarelli pour le comité du quartier du Puntettu.
