Les Jeunes Agriculteurs ont occupé la DDTM de Corse-du-Sud
(A redazzioni d'Alta Frequenza) - I Ghjovani Agricultori di Corsica Suttana ani dicisu d'occupà ssu marti da mani i lucali di a Direzzioni Dipartimintali di i Tarritorii è di u Mari in Aiacciu. Quissi quì vuliani dinunzià "l'inerzia di i servizi di u Statu" cuncirnendu trè punti di primura è fà cunnoscia i so rivindicazioni à u DDTM è à u prifettu. Prima, a ricunniscenza da quì à 30 ghjorni di a calamità sicchia, parchì tutti l'agricultori tocchi pudissini essa indennizati di pettu à i perditi di furraghju assai impurtanti. Dopu, l'arrigulamentu di a calamità inundazioni à l'estimu, è senza nisun cuntrollu da i servizi di u Statu, pà i parsoni chì ani postu un cartulari. Infini, un ritornu à paru subbitu pà i Diritti à Pagamentu Unicu ghjovani agricultori, postu chì trà aprili di u 2013 è maghju di u 2014, i ghjovani agricultori stallati ani toccu DPU à 94 auri par ettari, mentri chì pà quilli chì erani prima era trà 220 è 240 auri. Altra rivindicazioni missa torna una volta in avanti, a ricunniscenza è l'eleghjibilità di i lochi di machja, i famosi parcorsi.
Steti à senta à Marie Noëlle Culioli, a presidenti di i Ghjovani Agricultori di Corsica Suttana.
Sur le même sujet
