Les membres du Rinnovu quittent Corsica Libera
(A redazzioni d'Alta Frequenza) - Ind'un cumunicatu di stampa, u Rinnovu Naziunali annunzia chì i so membri si ni vani di Corsica Libera. "Oghji, ùn pudemi cà custatà cù rigrettu chì dipoi l'Assemblea Ghjinirali di farrughju di u 2012, a sprissioni di u nostru currenti ùn era più pussibuli drentu à a struttura, è què qualsiasi i nostri pruposti ricenti : custituzioni di una tindenza d'idei o federalisimu di strutturi. Emi ricivutu a dicisioni di l'esecutivu attuali di Corsica Libera, di cunsidarà i nostri militanti è simpatizanti com'è spiccati di fattu", dici u muvimentu. È di cuntinuà : " ci dispiaci chì Corsica Libera ùn avissi mai parmissu daveru a fusioni, ch'è no vuliami, di i strutturi fundatrici. I nostri militanti chì venini da tutti i currenti di u muvimentu indipendentistu urganizarani oramai i so dibattiti è azzioni pulitichi drentu à u spaziu Rinnovu Naziunali." È di pricisà chì "Paul-Félix Benedetti sarà inde l'Assemblea di Corsica u nostru raprisintanti ufficiali, isciutu da u Rinnovu Naziunali, cumpunenti urighjinali di Corsica Libera."
