Les obligations de service public maritime de nouveau en débat à l'Assemblée de Corse jeudi
(A redazzioni d'Alta Frequenza) - I reguli rilativi à a durata di u travaghju, à i riposi è vacanzi, tuttu ciò chì esci da u dirittu suciali, devini essa quilli chì ci voli ad appiecà sottu à a bandera francesi nant'à i picculi ligni! Iss'infrasata quì risicheghja di pona un prublema duranti u dibattitu - sarà issu ghjovi - inde l'Assemblea di Corsica. Quissa quì in fatti, studiarà issu ghjornu quì l'ubligazioni di serviziu publicu maritimu, ubligazioni chì liarani, cù una cunvenzioni, i cumpagnii maritimi rializendu un trafficu nant'à a Corsica, è dinò fora di a dilegazioni di serviziu publicu. Aldilà di a quantità di travirsati, o ancu di l'istituzioni di un prezzu pà i residenti, nant'à i quali vultaremi, u dirittu suciali duvendu essa maestru drentu i battelli pudaria bè rilancià un dibattittu vechju quant'è a SNCM è a Corsica Ferries. Chì ni pensa un sindicalistu di ciò chì pari essa una cundizioni particulari pà uttena un marcatu?
Écoutez Alain Mosconi, pour le STC de la SNCM.
Sur le même sujet
