Les outils de mesure économiques de Corse Compétences arrivent à maturité
(A redazzioni d'Alta Frequenza) - Criatu trè anni fà sottu à a forma di u gruppu d'intaressu publicu Corse Compétences, l'Usservatoriu Ecunomicu di a Corsica viaghja oramai senza piantà. In fatti, dipoi ssu luni, u situ www.corse-competences.fr parmetti di cunsultà in accessu libaru una seria di studii riattualizati ogni mesi. S'è certi intarissarani piuttostu un publicu menu numarosu ma impurtanti di pettu à a so influenza d'attori ecunomichi, altri, di una littura più faciuli ma dinò cù un cuntinutu più vicinu à i rialtà d'ogni ghjornu, pudariani intarissà parechji corsi. S'è i statistichi cuncirnendu u mezu di u BTP o di l'impiegu poni aiutà l'ADEC ind'i so pulitichi, altri, com'è u prezzu di l'essenza è di u gasoil o di i prudutti di cunsumazioni abituali, poni dà una visioni assai cuncreta di l'evuluzioni di i prezzi inde duminii di prima trinca.
Steti à senta à Jean Zuccarelli, u presidenti di l'ADEC.
Sur le même sujet
