Les participants à l'université d'été de Régions et Peuples Solidaires reçus au musée de Bastia
(A redazzioni d'Alta Frequenza) - Quist'annu, u partitu righjunalistu Régions et Peuples Solidaires in partenariatu cù l'Allienza Libara Aurupea hà sceltu d'urganizà a so università d'istati in Corsica, una scelta ch'ellu hà dighjà fattu tempi fà, ma stavolta ssa diciannovesima edizioni di ss'università d'istati rispechja un simbulu forti cù l'alizzioni in Bastia à u mesi di marzu di Gilles Simeoni com'è merri. Ciò chì spieca, forsa, ssa recezzioni urganizata da u merri di Bastia ind'i ghjardini suspesi di u museu, induva fora di parechji militanti è simpatizanti di Femu a Corsica è una parti di a maghjurità municipali, pudiami custatà dinò a prisenza d'eletti è militanti catalani, brittoni o uccitani par asempiu. Una supresa inveci, a prisenza di a maiò parti di i merri di a cumunità d'agglumerazioni di Bastia è d'eletti com'è José Galetti o Ange Pierre Vivoni, chì malgradu u so attaccamentu à basi eletturali più cuntinintali ani statu à senta cù intaressu i sfarenti discorsi è ani scambiatu ancu dopu à quissi quì.
Steti à senta à Gilles Simeoni chì volta dinò annant'à u cambiamentu ministiriali di ssu marti.
Sur le même sujet
