Les personnels de l’hôpital d’Ajaccio dans la rue dès 14h30
(A redazzioni d'Alta Frequenza) - I parsunali di l'uspidali d'Aiacciu sarani torna in carrughju dopu meziornu (marcuri) pà dinunzià a situazioni finanziaria catastrofica di u stabilimentu. A CGT è a CFDT in fatti chjamani à manifistà à partasi di 2 ori è mezu da a piazza Abbatucci fin'è a prifittura di Corsica. Ùn hè micca utuli di ramintà quì i raghjoni prufondi di ssa zerga di i parsunali : i casci sò bioti in a Misericordia è u stabilimentu strazia propiu pà risponda à l'urghjenza, vali à dì assicurà i pagamenti i più urghjenti ghjustu appuntu. Spunta un'idea simplici à traversu ss'intersindicali ed hè purtata dipoi mesi longhi da i sindicati : ùn metta micca in periculu a viabilità di l'uspidali novu d'Aiacciu par via di un pesu finanziariu trascinatu da a Misericordia.
Steti à senta à Dominique Milani pà l'intersindicali.
Sur le même sujet
