Les premiers mots de Jean-Jacques Ferrara, nouveau président de la CAPA
(A redazzioni d'Alta Frequenza) - Ùn hè micca una surpresa, nè mancu un scoop : Jean Jacques Ferrara hè statu elettu stamani (marti) presidenti di a Cumunità d'Agglumerazioni di u Paesi Aiaccinu, duranti l'alizzioni rializati à l'uccasioni di a stallazioni di u cunsighju cumunitariu novu. Annant'à i 46 eletti di a CAPA, 40 ani vutatu par ellu, cinqui, membri di l'uppusizioni, ani vutatu biancu, mentri chì una parsona ùn hà micca participatu à u votu. Annant'à i 13 vici presidenti novi eletti, ritruvemi à u primu postu l'anzianu presidenti pruvisoriu di l'istituzioni, Xavier Lacombe, mentri chì u merri di Sarrula Carcupinu, Alexandre Sarrola, sarà u sicondu vici presidenti. Dopu à ss'alizzioni, u novu presidenti è cunsighjeru municipali d'Aiacciu ind'a maghjurità era assai cuntentu è hà fattu sapè a so voglia di principià u travaghju u più prestu pussibuli.
Steti à senta à Jean Jacques Ferrara.
Sur le même sujet
