Les professionnels du BTP se posent des questions sur l'avenir de leur filière
(A redazzioni d'Alta Frequenza) - Chì avvena pà a filiera di a custruzzioni in Corsica, è in Pumonti in particulari? Hè ssa dumanda ch'ella si poni inchieta a Federazioni di u BTP. L'urganisazioni raprisintativa di u settori vedi di manera pessima i sittimani è i mesi chì venini, aspittendu à l'addisperu a ghjunta di una rialzata pussibuli. Cù una calata di a cumanda publica impurtanti, u fattu chì l'attività ind'u settori privatu ùn muvessi più o calessi, u sviluppu di u travaghju clandestinu, ùn si pò micca dì chì a situazioni sighi strasurdinaria in ssu settori maestru di l'ecunumia corsa. Un pianu di rilancia, è què prima chì u quadru novu difinitu da u Padduc, troppu luntanu, spuntessi, eccu a dumanda fatta subbitu subbitu da i raprisintanti di u BTP.
Steti à senta à François Perrino, presidenti di a Federazioni di u BTP di Corsica Suttana.
Sur le même sujet
