Les propositions de Nicolas Sarkozy pour la Corse
(A redazzioni d’Alta Frequenza) - Ùn era micca a Concorde vennari à sera à u palazzu di i cungressi d’Aiacciu ma Nicolas Sarkozy hà avutu quantunqua un bellu successu, da a parti di i so sustegni in tutti i casi. S’aspittava assai di issa visita parchì parechji aviani pinsatu chì annunzii forti rilativi à a Corsica sariani fatti da u presidenti candidatu. L’annunziu u più aspittatu era ben intesa quillu tucchendu à i centrali elettrichi di Corsica, ma ci n’hè statu d’altri, com’è quillu nant’à a criazioni di un CDI di staghjoni, un antru nant’à a prulungazioni di l’arresti Miot o ancu quillu ammitendu una riurientazioni di i fondi di u PEI è una crescita di quissi quì di 400 millioni d’€. Dinò ammintata appinuccia issa famosa porta chì ùn saria tantu sarrata, ma chì ùn pudaria essa aparta cà da i Corsi stessi : parlemi ben intesa di u dibattitu istituziunali. Suddisfazioni dunqua ind’u campu liberali, è què ancu di più chì inde u latu uppostu, nienti di veradimenti cuncretu è pricisu hè statu annunziatu da l’altri candidati.
Écoutez Ange Santini.
Sur le même sujet
