Les salariés du Belvédère de Bastia sont en conflit avec leur direction
(A redazzioni d'Alta Frequenza) - L’affari ùn vani più trà l’impiegati di u Belvedere, struttura d’accolta di zitelli in difficultà maiò, è l’Unioni di Gistioni di i Rialisazioni Mutualisti di Corsica Suprana. In fatti, à a chjama di u STC, parechji salariati si sò missi in greva ssu marcuri, assicurendu à tempu l’accolta nurmali di i zitelli, par via di parechji prublemi. D’appressu ss’impiegati, a so direzzioni l’uppunaria prublemi di tisuraria pà spiegà u fattu chì salariati in arrestu malatia dipoi un tempu longu ùn sighini micca rimpiazzati, o certi prublemi di virsamentu di paga, allora chì in ssu mentri, u Cunsighju Dipartimintali di Corsica Suprana, in carica di u finanziamentu, hà dimustratu di manera chjara à l’impiegati chì i soldi dati à a struttura di u Belvedere sò virsati in tempu è ora. Pà i salariati in greva, a so direzzioni ùn saria micca chjara, calcosa ch’elli ùn riescini micca à spiegà par asempiu, postu chì u rimbursamentu di una prima di traghjettu, data in u 2013 cù quattru anni di retruattività è annulata da a ghjustizia dopu à un’azzioni in ghjustizia di a direzzioni, hè statu privistu solu annant’à quattru mesi inveci di dodeci, inghjinnendu pà l’impiegati 400 auri in minimu in media annant’à ssi quattru mesi.
Steti à senta à Dumè Biaggi pà u STC.
Sur le même sujet
