Les supporters du SC Bastia se mobilisent pour demander la démission des dirigeants
(A redazzioni d'Alta Frequenza) - A disfatta di u SC Bastia in Montpellier, chì hà fattu cascà u club à u nanz’ultimu postu di u campiunatu, hà custituitu u puntu di spiccanza pà parechji sustenidori di a squadra. Una rumpitura chì s’hè manifistata da un’accolta di più di duicentu sustenidori ssa dumenica dopu meziornu davanti i casali di u club, dumandendu a demissioni di a squadra dirighjenti. Partutu à scuntrà ssi sustenidori cù trè altri dirighjenti, u presidenti di u SC Bastia Pierre Marie Geronimi hà dittu frà altru chì ùn c’era micca attaccanti dispunibuli pà u Sporting duranti l’ultimu marcatu d’inguernu. A squadra dirighjenti si n’hè andata in furia, sottu à l’ughjuli di a ghjenti, è i canti « dirighjenti demissioni ». I sustenidori ani privistu d’andà ssu luni à 3 ori in u centru d’intrenamentu di u club pà sustena i ghjucadori è a squadra tennica d’un club in crisa prufonda.
