Les transports au cœur du congrès de la Fédération régionale de l’hôtellerie de plein air
(A redazzioni d'Alta Frequenza) - Ssu ghjovi è ssu vennari, a Federazioni regiunali ditta di l’hôtellerie de plein air urganizeghja in a CCAS di Purtichju u so cungressu annuali. Dibattiti impurtanti sarani in cori à ss'evenimentu duranti ssi dui ghjorni, cù assi chì ani da difiniscia l'azzioni di i so membri pà i dui anni chì venini. S'è punti specifichi à u camping sarani amintati ben intesu, altri prublematichi più generali sarani trattati dinò, com'è l'uberisazioni di u turisimu corsu. Ma u tema cintrali di ssa manifistazioni hè sicuramenti quillu di i trasporti, cartulari propiu cumplicatu à parechji nivelli. Scambii sò privisti d'altrondi cù raprisintanti di a CTC, in particulari di l'Agenza di u Turisimu di a Corsica è l'Uffiziu di i Trasporti. I prufiziunali palisarani i so brami, ciò ch'elli aspettani in materia di pulitica di trasporti, chì, com'ellu a dici u presidenti di a Federazioni regiunali ditta di l’hôtellerie de plein air, ferma u puntu neru maiò di u sviluppu di u turisimu isulanu.
Steti à senta à Domy Subrini.
Sur le même sujet
