Les voeux de Paul Giacobbi pour 2013
(A redazzioni d'Alta Frequenza) - 2012 s'hè dighjà alluntanatu, purtendu cù ellu i so boni nutizii, picculi affari filici, catastrofi è drami dinò, appena com'è tutti l'anni. Eppuru l'annata scorsa ùn hè micca veradimenti com'è l'altri postu chì a viulenza, sottu à tutti i so formi, hà inghjinnatu tinsioni assai forti ind'a sucità corsa. Tinsioni, chì nascini di pettu à i difficultà à sradicà di menu in menu pà parechji isulani chì volini campà simpliciamenti ind'è elli. Tinsioni, chì s'arrembani dinò nant'à l'appetitti di più in più maiò contr'à i ricchezzi naturali di a Corsica. A culunisazioni di pupulamentu ! Issu vucabulu, usatu solu duranti un pezzu da i muvimenti naziunalisti, spunta più cà mai aldilà, prova forsa chì issu prublema cumencia ghjustu appuntu à pona un prublema seriu. S'omu aghjunghji à què u rigalu avvilinatu di u cunsighju custituziunali di mandà à caternu l'arresti Miot, si pò dì chì a fiamma di una splusioni di scuntentezza pà u 2013 hè dighjà accesa. I prigheri pà l'annu novu di Paul Giacobbi sò dunqua propiu difficiuli à fà, ancu puru s'è quissu quì ùn perdi micca a so cunfidenza.
Écoutons le président de l'Exécutif de Corse; des vœux c'est important de le préciser, enregistrés avant la décision du conseil constitutionnel.
