Lisandru Plasenzotti : un acharnement policier ?
(A redazzioni d’Alta Frequenza) - Lisandru Plasenzotti, 22 anni, hè incarceratu à a prighjò di i Baumettes, in Marseghja, dipoi dumenica scorsa. Quissu quì s’era prisintatu u marti u 15 di nuvembri à u cumissariatu d’Aiacciu da essa intesu ind’u quadru di l’inchiesta nant’à a scuparta di una piattata d’armi, inghjiru à parechji parsoni. Dopu à 96 ori di guardia custodia, hè statu prisintatu à u ghjudici Choquet di a JIRS di Marseghja, nanzi d’essa incarceratu. Hè rimpruvaratu à Lisandru Plasenzotti d’avè lacatu una marca soia nant’à un sacchettu trovu ind’a piattata d’armi. Dipoi, iss’ultimu chì nega tutalmenti i fatti, hà principiatu una greva di a fami è di a seti, da cuntestà a so missa sottu à i marchjoni « micca ghjustificata nant’à a forma è nant’à u fondu ». U so babbu, Ghjuvan Santu tinia d’altrondi una cunfarenza di stampa marcuri in principiu di dopu meziornu davanti à u cumissariatu d’Aiacciu, da alertà l’upinioni publica nant’à issa situazioni gravi à parechji livelli, parlendu ancu di un accanimentu pulizzeru contr’à u so fighjolu.
Ecoutez Jean-Toussaint Plasenzotti.
Sur le même sujet
