Logement : le nécessaire accompagnement des populations en difficulté
(A redazzioni d'Alta Frequenza) - Ritornu nant’à a strategia ditta di l'alloghju prima, prisintata in principiu di settimana scorsa in prifettura di Corsica, cù i sfarenti attori in issu duminiu. Quissa quì t'hà pà scopu di mighjurà u serviziu resu à i senza alloghji o à i parsoni risichendu di divintà li, dendu à priurità à l'azzioni chì vani à prò di l'accessu direttu à l'alloghju in Corsica Suttana. Fà crescia u numaru d'alloghji suciali, sviluppà servizii d'accumpagnamentu è sviluppà i pinsioni di famighja, sò i grandi misuri privisti da issa strategia, com'è a criazioni di u centru d'alloghju d'urghjenza di Mezavia. A necessità di l’accumpagnamentu parsunali hè stata missa in risaltu da tutti l’interlocutori prisenti ; una priurità da pudè aiutà di modu pienu i pupulazioni in difficultà, sicondu à Jean-Louis Aribaud, direttori dipartimintali di a cuesioni suciali è di a prutezzioni di i pupulazioni.
Écoutez Jean-Louis Aribaud
