Logement social et action économique : la montée en puissance progressive de l'Office Foncier de la Corse
(A redazzioni d'Alta Frequenza) - Prima riunioni ssu marcuri in Aiacciu di u Cunsighju d'Amministrazioni di l'Uffiziu Fundariu di a Corsica di a mandatura nova. Ramintemi chì a missioni principali di st'arnesi, criatu pà rigulà u marcatu fundariu nant'à l'isula, hè d'acquistà bè fundarii o immubiliari pà i cumuni è i so accolti, ma dinò à u Statu è i so stabilimenti publichi. Parechji sughjetti furmali d'amministrazioni generali, di bughjetti, di finanzi sò stati amintati duranti ssu CA, ma dinò punti più strategichi, cù u principali chì hè a revisioni di u PPI, u Prugramma Pluriannuali d'Intarvinzioni. Ss'ultimu l'hà da parmetta, dopu à dui prim'annati d'attività pà l'UFC, d'avè un ritimu rigulari veru è di ghjucà com'ellu ci voli u so rollu in materia d'alloghju suciali è d'attività ecunomica. L'Uffiziu Fundariu di a Corsica chì hè d'altrondi u solu stuvigliu di u gennaru in Francia, sicondu u so presidenti, à ùn avè micca debbiti oghji, lampa una chjama à tutti i cumuni di l'isula, frà altru di u rurali, par avvicinassi da i so sirvizi è purtà insemi prughjetti numarosi.
Steti à senta à Ghjuvan Cristofanu Angelini.
