Loi littoral et occupation du domaine public maritime : l'avis de Manuel Valls
(A redazzioni d'Alta Frequenza) - Visita di Manuel Valls in Corsica : un scontru di dui ghjorni cù i raprisintanti di i forzi di l'ordini, di u mondu ecunomicu è di l'eletti frà altru. Una visita republicana hà dittu u ministru di l'Internu, è chì adunisci trè lati maiò. À mezu à quissi quì, torna una volta a lotta contr'à a criminalità urganizata, è soprattuttu i mezi missi in opara da u Statu. L'hà ditta Manuel Valls, ci voli à rimetta oghji à u centru di issa tematica l'inchiesti è u rinsignamentu. Parchì d'appressu à Manuel Valls, duranti calchì annu, a forza d'inchiesta hè stata piuttostu cuncintrata nant'à u latu terruristu. In cori à u dibattitu dinò, i famosi guerri di i pulizzi. Un dibattitu rilanciatu da a publicazioni di un raportu internu di u ministeru publicu di Corsica Suprana. Manuel Valls hà vulsutu essa assai chjaru nant'à u tema. Ùn tulararà micca una cuncurrenza chì pudaria avè un impattu pessimu nant'à l'inchiesti. In Corsica, com'è in altrò, pulizza, gendarmeria è ministeru publicu devini travaghjà insemi. Infini, altra tematica chì intaressa a Corsica, quilla di u rispettu di a legi liturali, è di l'accupazioni di u duminiu publicu maritimu. Manuel Valls hà datu u so parè nant'à issa quistioni quì.
Ecoutez Manuel Valls.
Sur le même sujet
