Loi sur le rapprochement des prisonniers: montée au créneau d'Aiutu Paisanu
(A redazzioni d'Alta Frequenza) - Aiutu Paisanu, associu d'aiutu à i prighjuneri pulitichi, hà urganizatu stamani (vennari) davanti à u palazzu di Ghjustizia d'Aiacciu una cunfarenza di stampa. L'associu voli lampà torna una volta una chjama à l'upinioni publica di pettu à i cundizioni d'incarcerazioni micca accettevuli pà i prighjuneri pulitichi corsi. Cita i casi d'Eric Marras è di Félix Benedetti chì sò dipoi longhi mesi in viulazioni di a cunvenzioni aurupea di i Diritti di l'Omi. L'associu hà vulsutu andà di fronti stamani pà ciò chì tocca a pruposta di legi ditta "Gandolfi Scheit". Ancu s'è quissa quì hè stata vutata da l'Assemblea naziunali u 24 di ghjinnaghju di u 2012, ferma una "scruccunaria intelletuali sprupusitata", parchì u dirittu à l'avvicinamentu di i prighjuneri ùn asisti micca.
Steti à senta à Jean Mondoloni, avucatu di l'associu.
