Lutte contre la criminalité : "avant tout le défi de la Corse", d'après Manuel Valls
(A redazzioni d'Alta Frequenza) - U pizzonu di a ghjurnata, s'è no a pudemi dì cusì, era custituitu da a cunfarenza di stampa data da i ministri di l'Internu è di a Ghjustiza, Manuel Valls è Christiane Taubira in prifittura di Corsica oghji (ghjovi), dopu à l'assassiniu di u presidenti di a CCI di Corsica Suttana, Jacques Nacer, marcuri à sera in Aiacciu. Cunfarenza di stampa trà virguletti postu ch'ellu hè sempri difficiuli inde issu gennaru di circustanzi, assai quadrati è cù un tempu di parolla limitatu, d'andà veradimenti ind'a rialità è ind'a prufundezza di i cosi. Situazioni ammintati da luntanu, ghjudizii fatti à l'infuria è cunclusioni fatti troppu à lestra facini dunqua parti com'è sempri di issu gennaru d'eserciziu è Manuel Valls ùn hà micca cambiatu l'affari. Dopu avè ripitutu chì a Corsica era a Francia, a Republica, un tarritoriu micca scantatu è chì i corsi t'ani u dirittu à l'azzioni di u Statu, u ministru di l'Internu hà rammintatu u pianu prisintatu u 22 d'uttrovi pà luttà contr'à a criminalità. Nisun annunziu novu dunqua, ma l'affirmazioni chì issa sfida hè prima quilla di a Corsica.
Écoutez Manuel Valls.
Sur le même sujet
