Lutter contre la corruption : en Corse aussi
(A redazzioni d’Alta Frequenza) - Luttà contru à a curruzzioni, eccu u scopu di ANTICOR. Iss’associu, criatu in u 2002 da u ghjudici Eric Halphen è Séverine Tessier, cerca à tutti i patti à limità a curruzzioni in pulitica. In fatti, pà ANTICOR, ùn hè cà purtendu una lotta efficaci contru à issu dannu chì tocca a pulitica in Francia com’è in altrò chì i francesi pudarani truvà una cria di cunfidenza persa ind’i so eletti. ANTICOR, partita civili inde affari com’è l’impiechi fittivi di a merria di Parighji o l’affari Karachi, hà dicisu, in cullaburazioni cù u secretariu federali di u Partitu Sucialistu di Corsica Suprana, Vincent Carlotti, d’apra un’antenna in Corsica. Ùn hè micca pà què quantunqua chì ANTICOR pensa ch’ella ci sippii di più curruzzioni in Corsica chè in altrò.
Ecoutez Séverine Tessier.
Sur le même sujet
