Maître Campana porte plainte pour dénonciations calomnieuses
(Maria Lanfranchi - Alta Frequenza) - "Manipulazioni, diabulisazioni, bucii" : eccu calchì parolla prununziati stamani (vennari) da l'avucata Frédérique Campana è l'avucati di u Cunsighju di l'Ordini d'Aiacciu. In cori à l'affari, una lettara ghjunghjendu da u direttori di u centru di ditenzioni d'Avignon, adirizzata à a ghjustizia ind'u quadru di u cartulari Guy Orsoni. Inde issa lettera, virsata à u cartulari, inveci chì a struzzioni era chjosa, ci sò pruposti di un prighjuneru anonimu, sicondi i quali, Frédérique Campana "facia ghjentra di modu rigulari soldi è cocaina" à u so fighjolu, di u quali hè dinò una di l'avucati. Sicondu à ella, si cerca à imbruttà à u so fighjolu è à metta in causa a so unestità d'avucata. Hè à tempu a mamma è u cunsighju chì sò attaccati, dici iss'ultima. U capu di l'Ordini di l'avucati Carlotti, i dui Cunsighji di l'Ordini d'Aiacciu è di Bastia, ma dinò u Sindicatu di l'Avucati di Francia sizzioni d'Aiacciu ani purtatu un sustegnu forti à l'avucata. Pà elli, sò detti senza fundamentu, parchì s'è iss'ccusazioni quì erani stati ghjustificati, "avariani fattu à menu l'ughjettu di un prucessu disciplinariu à u so incontru". Alidilà di issu casu propriu, hè tutta una prufessioni chì hè attaccata.
Ecoutez Maître Campana.
