Majorité territoriale : ça passe ou ça casse ?
(A redazzioni d'Alta Frequenza) - "Ça passe ou ça casse !" Hè, esagerendu appena, ciò ch'ellu hà vulsutu dì Jean Charles Orsucci citendu l'infrasata : "emi da pruvà à andà fin'è a fini di u mandatu !" In fatti, ss'infrasata saria guasgi banali s'ella ùn ghjunghjia micca da u numaru unu di un gruppu di l'assemblea di Corsica, u gruppu di a maghjurità quì. Dopu à l'affari dittu di "l'Uffiziu Idrolicu", dopu a demissioni di dui membri di u gruppu Démocrates, Socialistes et Radicaux, pari bè chì u gruppu chì hà purtatu Paul Giacobbi à a presidenza di l'Esecutivu di Corsica cunniscissi calchì disturbu. Semi in traccia di veda una cumpusizioni nova di l'equilibrii trà i sfarenti tindenzi nentru à u gruppu, à una distribuzioni nova di i carti à u mumentu di veda di più in più vicini alizzioni impurtanti ? Dumandi chì poni diragnà forsa ma à chì hà rispostu malgradu tuttu Jean Charles Orsucci.
Steti à senta à Jean Charles Orsucci, u presidenti di u gruppu maghjuritariu di l'assemblea di Corsica.
