Malaise économique : la réponse du président de l'ADEC
(A redazzioni d'Alta Frequenza) - L’Assemblea di Corsica hà fattu dunqua ssu ghjovi da mani a so riintrata cù una seenza publica nova. Prima d’amintà dopu meziornu parechji cartulari, com’è quillu di u bughjettu supplementariu 2015, cunsighjeri tarrituriali è membri di l’Esecutivu ani participatu à a famosa seenza di i dumandi urali. A prima hè stata posta da a cunsighjera di l'Eletti Cumunisti è Citadini di u Fronti di Manca Josette Risterucci, annant'à a fusioni di rigulazioni medicali trà u SAMU di Corsica Suprana è u SDIS 2B. Altra dumanda, quilla di Jean Baptiste Luccioni annant'à a situazioni ecunomica pessima di a Corsica, è soprattuttu di parechji intrapresi è artisgiani. Hè vultatu annant'à a mubilisazioni calchì ghjornu fà di u cullittivu di socioprufiziunali Dumane da Fà davanti à l'URSSAF. Picculi intrapresi chì campani un infernu, incalca u cunsighjeru tarrituriali, strangulati da una prissioni fiscali sempri più forti è chì pensani pà certi à abbandunà, ciò chì inghjinnaria tandu una crescita di u disimpiegu. Pà francassi di fallimenti è d'arrigulamenti davanti à i tribunali di cummerciu, Jean Baptiste Luccioni s'hè spressu à prò di mezi durevuli d'aiutu è di una riflissioni à purtà annant'à un veru statu fiscali pà a Corsica. Com'è risposta, u presidenti di l'ADEC Jean Zuccarelli hà incalcatu annant'à u fattu chì a so agenza ferma mubilizata vicinu à l'intrapresi in difficultà. Hà prisintatu in fatti sfarenti stuvigli par aiutà l'intrapresi com'è u fondu d'imprestitu à tassu zeru, chì sarà rinnuvatu, un dispsutivu di sustegnu in appiecazioni cù i camari cunsulari, u fondu regiunali di guaranzia o ancu un meccanisimu d'urghjenza à prò di l'impiegu. Hà vulsutu dà dinò pricisioni annant'à u famosu latu fiscali.
Steti à senta à Jean Zuccarelli.
Sur le même sujet
