Malgré les appels au calme, de nouveaux incidents à Bastia
(A redazzioni d'Alta Frequenza) - Malgradu chjami novi à a raghjoni lampati arisera dopu à una riunioni urganizata trà i sindicati studientini, raprisintanti di i liceani, i presidenti di l'Esecutivu, di l'Assemblea di Corsica è di l'Università, l'incidenti sò partuti torna stamani in Bastia. Sò accaduti in a Cità tennica di Montesoru, induva rumenzuli sò stati brusgiati. I manifistanti si sò stallati dinò nant'à u ghjiratoghju di Montesoru, blucchendu a circulazioni è inghjinnendu un ingorgu maiò. Michel Barat, dopu à ss'incidenti, hà dicisu tuttu simpliciamenti di sarrà a Cità tennica di Montesoru fin'è dumani à sera, vali à dì chì i sculari vultarani in corsu solu dopu à i vacanzi, da quì à quindeci ghjorni dunqua. L'hè dispiaciuta dinò à u rettori, in un cumunicatu, a stambussata chì avaria fattu cascà a pruvisori aghjunta, purtata à l'uspidali.
Sur le même sujet
