Manifestation du 13 juin à Ajaccio : ça prend forme
(A redazzioni d'Alta Frequenza) - Cunfarenza di stampa stamani (ghjovi) di a Ghjuventù Indipendentista nant'à a manifistazioni di u sabbatu u 13 di ghjunghju in Aiacciu. Una cunfarenza di stampa propiu allargata à muvimenti pulitichi è ancu aldilà, postu chì Maria Giudicelli è Petru Ghionga, ramintemula membri di l'Esecutivu di Corsica, erani prisenti. Surtimi dunqua largamenti da a simplici manifistazioni studientina, parchì un currenti puliticu largu purtarà in carrughju a maiò parti di i rivindicazioni dighjà spressi à l'Assemblea di Corsica duranti voti sfarenti. Cuufficialità, statutu di residenti, statutu fiscali, annistia, PADDUC, tutti i punti chì ani ricivutu un accunsentu impurtanti di i puliticanti di l'Assemblea di Corsica sarani dunqua purtati in carrughju.
Steti à senta à Massimu Poli, chì faci parti di a GI.
