Manifestation du 4 avril 2009 à Bastia : jusqu'à deux ans de prison ferme requis
(A redazzioni d’Alta Frequenza) - Passaghju arimani (marti) davanti à u tribunali currezziunali di Bastia di una quindicina di parsoni, pà « participazioni cù o senza arma dopu à i dumandi di piantata », « viulenzi gravi », è « distruzzioni d’arnesi publichi à parechji ». Passaghji in seguita cù l’incidenti chì aviani upposti manifestanti è forzi di l’ordini u 4 d’aprili di u 2009 in Bastia. Omu s’arricorda chì issu ghjornu quì, un’adunita era stata urganizata, in riazzioni à a ferita da sparati di granati lacrimogeni di un ghjovanu cullighjenti, calchì ghjornu nanzi. Iss’ultimu manifestava in sustegnu à Yvan Colonna. Arimani dunqua, a ghjustizia pruvava à ricustituiscia i fatti è di difiniscia i sfarenti rispunsabilità. Ind’i partiti civili, numarosi pulizzeri, 52 in tuttu, chì ani dichjaratu feriti à gradi diversi, dopu à issa baruffa. U discorsu di a difesa si tinarà stamani, ma arimani u ministeru publicu hà dumandatu cundanni da 8 mesi à 2 anni di prighjò cù più o menu certi di modu attimpatu, sicondu à i casi. A ghjustizia faci a sfarenza in fatti trà l’iniziatori, i suvitatori, è i quilli chì avariani lanciatu i prughjettili. A sintenza sarà cunnisciuta duranti u dopu meziornu.
Sur le même sujet
