Manifestation Parlemu Corsu: Femu a Corsica présent à Ajaccio
(A redazzioni d'Alta Frequenza) - Parechji millai di parsoni ani participatu ssu sabbatu à ssa vera festa di a lingua corsa in Aiacciu. Una manifestazioni propiu longa, da trè ori di dopu meziornu fin’è mezanotti guasgi, ed hè tandu assai difficiuli di dà una stimazioni, ancu à pocu pressu, di u numaru di parsoni chì erani prisenti. Trè parolli sò stati maestri duranti ss’ori di festa : impegnu, ditarminazioni è bunissimu ambienti. Ci voli à dì chì l’urganisatori si sò dati assai di rimenu pà fà di ssa ghjurnata una riescita vera : una quarantina di gruppi musicali, di tiatru, è umoristichi cù cinqui vittelli arrustiti è tuttu u restu à volini più ; era logica di veda tantu mondu pà una ghjurnata è una sirata simuli, vali à dì storichi. Guasgi tutti i muvimenti pulitichi sò stati visti ma i parsunalità i più numarosi ghjunghjiani di sicuru da i famighji autunumisti è naziunalisti. Bastiacci numarosi aviani fattu u viaghju com’è u so merri Gilles Simeoni ; accumpagnava u gruppu Femu a Corsica di l’Assemblea di Corsica guasgi cumplettu è u so presidenti Ghjuvan Cristofanu Angelini.
Stemi à senta ss’ultimu.
