Manifestation pour une solution politique à Ajaccio : pourquoi un consensus aussi large ?
(A redazzioni d'Alta Frequenza) - Cunfarenza di stampa stamani (ghjovi) di a Ghjuventù Indipendentista nant'à a manifistazioni di u sabbatu u 13 di ghjunghju in Aiacciu. Una cunfarenza di stampa propiu allargata à muvimenti pulitichi è ancu aldilà, postu chì Maria Giudicelli è Petru Ghionga, ramintemula membri di l'Esecutivu di Corsica, erani prisenti. Surtimi dunqua largamenti da a simplici manifistazioni studientina, parchì un currenti puliticu largu purtarà in carrughju a maiò parti di i rivindicazioni dighjà spressi à l'Assemblea di Corsica duranti voti sfarenti. Cuufficialità, statutu di residenti, statutu fiscali, annistia, PADDUC, tutti i punti chì ani ricivutu un accunsentu impurtanti di i puliticanti di l'Assemblea di Corsica sarani dunqua purtati in carrughju. Un muvimentu unitariu chì intarveni calchì ghjornu dopu à un votu chì t'hà un carattaru storicu sicuru, u "votu di i 48" à l'Assemblea di Corsica, risultatu di una dichjarazioni sulenna di Paul Giacobbi, chì s'hè trasfurmata in deliberazioni pà una suluzioni pulitica glubali cù una chjama lampata à u guvernu è à u Presidenti di a Republica. Parchì un accunsentu cusì largu inghjiru à ssa manifistazioni di u 13 di ghjunghju ?
Steti à senta à Maria Giudicelli, cunsighjera esecutiva chì porta par asempiu à l'Assemblea di Corsica u cartulari di u PADDUC.
