Manifestation pour une solution politique : le sentiment de Lucien Felli
(A redazzioni d'Alta Frequenza) - Cuufficialità di a lingua corsa, statutu di residenti, statutu fiscali o ancu annistia di i prighjuneri pulitichi è di i ricircati, hè inghjiru à ssi punti chì 3 000 parsoni sò falati in carrughju sabbatu in Aiacciu. Ci voli à ramintà chì ssi rivindicazioni maiò sò stati dibattuti largamenti à l'Assemblea di Corsica duranti mesi longhi è ch'elli ani inghjinnatu tutti voti propiu significativi. Emi dighjà intesu a raprisintazioni pulitica, ma dinò quilla di u mondu studientinu, annant'à ssi temi impurtanti. Emi arrighjistratu dinò, à l'uccasioni di ssa manifistazioni, riazzioni appena "sviati" di parsunalità pulitichi simbuli di a lotta naziunalista dipoi dicennii. Lucien Felli, avucatu aiaccinu ben cunnisciutu, era prisenti in carrughju à fiancu à i militanti naziunalisti di a prima ora. "Pà una suluzioni pulitica", era u slogan di a manifistazioni, un affari chì hà fattu surrida appena à Lucien Felli, parchì ricolla quantunqua à più di quaranta anni fà.
Steti à senta à Lucien Felli.
Sur le même sujet
