Manifestation Simu di stu Paese : Gilles Simeoni était présent
(A redazzioni d'Alta Frequenza) - C'era ssu sabbatu in Bastia una manifestazioni purtata da u Cullettivu Simu di stu Paese. Hà adunitu parechji millai di parsoni, cù à mezu à quissi tutta a famighja naziunalista, è par asempiu u merri di Bastia Gilles Simeoni, Jean Guy Talamoni o Paul Félix Benedetti, ma dinò parsunalità d'altri currenti com'è Petru Ghionga. Sindicati è associ numarosi erini raprisintati dinò, ind'una manifestazioni chì s'hè passata ind'u calmu fin'è a sparghjera di quissa quì davanti a prifittura. È c'era pà a prima volta in ssu gennaru di manifestazioni u merri di Bastia, Gilles Simeoni. Nanzi à l'incidenti accaduti à a fin di a manifestazioni, quissu quì hà fattu cunnoscia a so suddisfazioni d'avè vistu tanti parsoni chì ani rispostu à a chjama di u cullettivu, è s'hè ghjiratu dinò ellu ver di l'avvena, ch'ellu si trattessi di u dialogu cù u guvernu o ancu di una prulugazioni pussibuli à u nivellu municipali di l'aduzzioni di u statutu di residenti da l'Assemblea di Corsica.
Steti à senta à Gilles Simeoni.
Sur le même sujet
