Manifestation Simu di stu Paese : Jean Brignole était présent
(A redazzioni d'Alta Frequenza) - C'era ssu sabbatu in Bastia una manifestazioni purtata da u Cullettivu Simu di stu Paese. Hà adunitu parechji millai di parsoni, cù à mezu à quissi tutta a famighja naziunalista, è par asempiu u merri di Bastia Gilles Simeoni, Jean Guy Talamoni o Paul Félix Benedetti, ma dinò parsunalità d'altri currenti com'è Petru Ghionga. Sindicati è associ numarosi erini raprisintati dinò, ind'una manifestazioni chì s'hè passata ind'u calmu fin'è a sparghjera di quissa quì davanti a prifittura. À mezu à quilli à u prima rangu di ssa manifestazioni, daretu à u striscionu, c'era Ghjuvanni Brignole, secretariu ghjinirali di u STC, chì facia parti di i sindicati chì aviani chjamatu à manifistà. Una manifestazioni chì duvarà cunnoscia una seguita pà Ghjuvanni Brignole, è chì saria piuttostu a prima petra di una seria d'azzioni.
Steti à senta à Ghjuvanni Brignole.
