Manifestations des lycéens : Le sentiment de l'APC
(A redazzioni d'Alta Frequenza) - Manifestazioni liceani in Corsica : ani cuntinuatu pà ssa fin di settimana (vennari). Stamani, u muvimentu di cuntistazioni hè andatu ind'i sfarenti stabulimenti aiaccini fin'è a prifittura di Corsica, è ssu dopu meziornu, hè davanti à quilla di Bastia chì i sculari si sò ritrovi. Incidenti lighjeri sò stati arrighjistrati. In Purtivechju inveci, un ghjuvanottu hè statu brusgiatu da un focu in carrughju. Hè statu purtatu à l'uspidali d'Aiacciu. Saria brusgiatu à u sicondu gradu. Brusgiaturi più lighjeri pà un ghjuvanottu in L'Isula. A mubilisazioni ùn duvaria micca indebbuliscia, ancu s'è a manera è a durata d'azzioni ùn sò micca stati difiniti di modu chjaru. Ssu vennari, l'Associu di i Parenti Corsi hà vulsutu arricà u so sustegnu à i ghjovani grevisti. Pà l'APC, u Statu t'hà tutta a rispunsabulità di ssu cunflittu, uffrendu à a ghjuventù una negazioni di a demucrazia.
Steti à senta à Denis Luciani, presidenti di l'APC.
