Manuel Valls était en viste en Corse ce samedi
(A redazzioni d'Alta Frequenza) - Viaghju express di Manuel Valls oghji (sabbatu) in Corsica. U ministru di l'Internu hè andatu stamani ind'a caserna di gendarmeria Battesti d'Aiacciu, tocca ghjovi da un tiru di rucchetta, com'è quilla di Montesoru in Bastia. Quissu quì, accumpagnatu da u prifettu di Corsica in Aiacciu, è di Corsica Suprana in Bastia, è di u numaru unu di a gendarmeria, hè ghjuntu à custatà i disguasti inghjinnati, eppo hà parlatu à i famighji, assicurendu li di tuttu u so sustegnu è di a ditarminazioni di i servizii inchiestadori è di a ghjustizia pà ritruvà l'autori di "ss'atti di tarrurisimu chì ùn poni micca essa accittati". Dopu à ss'azzioni, eletti isulani ani fattu sapè u so timori di pettu à l'avvena di i discussioni principiati calchì ghjornu fà pà una pussibuli riforma istituziunali in Corsica, ma pari chì ss'azzioni ùn avissini micca purtatu à Manuel Valls à rinculà annant'à ssu sughjettu.
Steti à senta u ministru di l'Internu duranti u so passaghju bastiacciu.
Sur le même sujet
