Manuel Valls sort les muscles après la victoire des nationalistes en Corse
(A redazzioni d'Alta Frequenza) - Dipoi a vittoria larga di i naziunalisti dumenica scorsa inde l'urni di i 360 cumuni isulani, si custata un silenziu tremendu in Parighji. Mancu appena salutata, ssa vittoria ùn hè mancu stata cumintata da u guvernu. Un'unica riazzioni par avà, quilla chì ùn hè micca ufficiali è ancu tuttu à fattu privata di u Prima ministru Manuel Valls, palisata da u ghjurnali Le Monde. Par asempiu, ss'ultimu avaria dittu in privatu chì u Statu ùn cappiaria nulla annant'à u sughjettu di i prighjuneri pulitichi corsi. "Un sughjettu annant'à chì ùn muvaremmi micca : ùn c'hè micca prighjuneri pulitichi corsi, ùn c'hè micca precundizioni", hà dittu quissu quì. Dichjarazioni abbastanza siveri, chì lacani pinsà à una lotta putenti trà l'eletti di l'assemblea di Corsica è quillu chì dicia pocu fà chì "a viulenza hè arradicata in a cultura corsa". Inveci, u Prima ministru avaria cunsidaratu, sempri sicondu Le Monde, chì i Corsi ani sceltu "l'avvena" inveci di a "diritta è di a manca lucali chì ani fiascatu".
Sur le même sujet
