Manuels scolaires en langue corse : les explications du CRDP
(A redazzioni d'Alta Frequenza) - "L'affari" hè ingunfiatu dipoi ssu luni à sera annant'à i reti suciali, hà da rifalà pianament'è bè oramai. Un ritrattu circuleghja in fatti nant'à a tela nant'à chì pudemi veda libri di scola in lingua corsa publicati da u CRDP di una manera chì i mettini "micca troppu in valori" in unu di i lucali di l'istituzioni. Libri "ghjittati ind'a rumenzula"? Innò, accerta a direttrici di u Centru Righjunali di Ducumentazioni Pedagogicu, ma chì ùn sarani più aduprati, parchì anziani, mentri chì si ni publicarà novi cù prugrammi sculari attualizati.
Steti à senta à Brigitte Requier, a direttrici di u CRDP di Corsica.
