Maria Giudicelli a exposé les spécificités de l'Office Foncier aux élus bastiais
(A redazzioni d'Alta Frequenza) - A cunsighjera esecutiva Maria Guidicelli, u merri di Bastia Gilles Simeoni è u presidenti di a Cumunità d'Agglumerazioni di Bastia François Tatti. Erani tutti aduniti inghjiru à una cosa sola, una prisintazioni di i missioni di l'Uffiziu Fundariu di a Corsica. Ss'uffiziu, chì principiarà a so missioni da quì a pocu, t'avarà com'è scopu d'aiutà i cumuni o intercumunalità chì si ghjirariani versu ellu pà acquistà fundariu inveci di quissi quì. Ci sariani tandu dui alternativi, o custituiscia una riserva fundaria, o cunfià travaghji sfarenti à l'OFC in u quadru di un prughjettu bè pricisu è ditarminatu prima. L'Uffiziu rivindaria tandu calchì anni dopu ss'acquisti fundarii à i cullittività cuncirnati, à un prezzu prifarinziali ben intesu. Un'iniziativa soprattuttu pà crià alloghji suciali in più, è chì t'avarà pà a so prima annata d'azzioni un bughjettu trà 24 è 28 millioni d'auri sicondu u pruduttu di una tassa.
Steti à senta à Maria Giudicelli.
