Marylise Lebranchu à Ajaccio: une rencontre intéressante pour Jean-Jacques Panunzi
(A redazzioni d'Alta Frequenza) - Marylise Lebranchu, ministra di a dicintralisazioni era arimani (luni) in Corsica pà stallà u famosu gruppu di travaghju, gruppu chì rammintemu la s'era dighjà adunitu in Parighji è chì devi difiniscia cù u guvernu l'andatura pà i mesi chì venini. Marylise Lebranchu l'hà ditta arimani, ci sarà bè nentru à u prughjettu di legi ch'ella hà da prisintà da quì à calchì sittimana, prughjettu nant'à a riforma tarrituriali, un latu cunsacratu à a Corsica. Quissu quì duvaria parmetta, ind'u quadru di u statutu attuali, d'uttimizà certi dispusizioni rigulamentarii, in fatti di migliurà tuttu ciò chì asisti dighjà è chì viaghja mali. Dopu ci vularà à studià a riforma custituziunali nant'à i lingui minuritarii à chì pudaria essa aghjustatu quì dinò u famosu latu corsu. Un scontru intarissanti dinò pà Jean Jacques Panunzi. Pà u presidenti di u cunsighju ghjinirali di Corsica Suttana, ci hè un'antra raghjoni d'essa cuntentu: essa di pettu à un guvernu chì s'intaressa à a Corsica è à i so prublematichi.
U stemi à senta.
