Marylise Lebranchu: Femu a Corsica défend le droit à l'autodétermination du peuple corse
(A redazzioni d'Alta Frequenza) - Marylise Lebranchu hè dunqua in visita in Corsica oghji (vennari). Pà a ministra di a dicintralisazioni, u puntu maiò di ssa ghjunta hè statu custituitu da i scambii cù l'eletti di l'Assemblea di Corsica. Intarvinzioni aspittati, quilli di i muvimenti naziunalisti. Ghjuvan Cristofanu Angelini pà Femu a Corsica hà parlatu pà contu soiu di u dirittu à l'esistenza di u populu corsu annant'à a so tarra. Hà fattu cunnoscia torna a so vulintà nicissaria di dialogu ma "un dialogu chì ùn si devi micca riassuma à una successioni di chjachjarati". Hà aghjustatu chì s'è a Corsica hè cunsidarata com'è a più dicintralizata di Francia, hè dinò a menu dicintralizata d'Auropa. Ghjuvan Cristofanu Angelini hà dittu dinò chì u populu corsu pighjarà u so dirittu à l'autoditarminazioni in Auropa.
Steti à senta à Ghjuvan Cristofanu Angelini.
